आमची प्रेरणा अजबयांची सुरेख गझल अवघड नसते...

तसे पाहिले तर हे नटणे अवघड नसते
पोट लपवूनी सुडौल दिसणे अवघड नसते...

नुसते खुणवू नकोस मजला नजरेमधुनी
(आडोशाला मला भेटणे अवघड नसते )

येता जाताना मी रोजच अनुभवतो हे
बेंबी खाली पँट घालणे अवघड नसते

वेदनेतुनी जन्म घेतसे 'अजब' गजल, पण-
सुमार विडंबन त्यांचे करणे अवघड नसते...

विड्या फुंकणे कधीच नाही सुटले "केश्या"
कोण म्हणाले 'सवय सोडणे अवघड नसते'?...