डाळ धुवून कुकरमध्ये शिजायला लावावी. शिजताना मेथीदाणे घालावेत. डाळ मऊ शिजवावी.

फोडणी करावी. हिंग भरपूर घालावा. कडिपत्त्याची पाने बारीक चिरून घालावीत. म्हणजे खाल्ली जातात.

फोडणी तडतडली की मग हळद घालावी. मग शिजलेली डाळ घालावी. मग त्यात साधारण ८ वाट्या पाणी घालावे.

सगळे नीट हलवून जरा उकळी येवू द्यावी. उकळी आल्यानंतर त्यात शेंगदाणे कूट, तीळकूट, खोबऱ्याचा खीस घालावे. म्हणजे ते सर्व शिजते. ते जरी बारीक असले तरी ते कच्चे असेल तर त्याचा कच्चेपणा जाणवतो. आणि शिजल्यानंतरचा स्वाद वेगळा लागतो.

नंतर त्यामध्ये चिंचेचा कोळ आणि गूळ घालावा.

गोडा मसाला, लाल  तिखट, मीठ चवीप्रमाणे घालावे.

कोथिंबीर बारीक चिरून घालावी.

दणदणून उकळी येवू द्यावी. खूप घट्ट वाटत असेल तर थोडे पाणी घालावे. खूप घट्ट नाही पण दाट असा हा पेंडपाला असतो.

यामध्ये लसूणही हवा असेल तर घालू शकतो̮. लसूण वाटून उकळतानाच टाकायचा.