जेंव्हा बनेल माझा प्रवाह;

जेव्हा सांगेन मी माझ्या डोळ्यातून;

जेव्हा बनेल माझा पाषाण;

सांग रोखू शकशील मला?

बनवशील तुझ्या मनासारखी कथा;

नाचवशील मला पात्रांमध्ये;

माझ्या जगण्यातून वगळून मला ;

एका गर्दीत सोडू शकशील मला?

जगेन मी चोरून जेव्हा;

माझ्याच जगण्याचे काही क्षण;

मला निःशब्द राहिलेलं बघून;

मला वाचा फोडशील का?

प्रत्येक क्षणांना साठवून मी;

देईन मी कवितेच रूप;

तेव्हा प्रयत्न करून बघ मला शोधायचा;

कारण मला अंदाजच नाही माझ्या प्रवाहाचा.