प्रथम कारवारी मसाला बनवून घ्यावा. धणे, लाल मिरच्या व सुके खोबरे वेगवेगळे तेलावर खरपूस परतून घ्यावेत. त्यांना मिक्सरमधून, मीठ घालून बारीक करून घ्यावे. हा झाला मसाला तयार. हवाबंद डब्यात भरून ठेवल्यास व्यवस्थित टिकतो. फ्रीज मध्येही ठेवू शकता.
आता तोंडली बारीक उभी चिरून वाफवून घ्यावीत.
(मूळ रेसिपीत ती तळून घेतात. पण आपण तेलाचा वापर कमी करण्यासाठी वाफवून घेऊ.)
वाफवलेली तोंडली फोडणीस घालून चांगली परतून घ्यावीत. त्यात आता हा मसाला अंदाजाने घालावा (साधारण २ ते ३ चमचे). शिजवावा. चिंचेचा कोळ घालावा. मीठ वरून कमीच घालावे, कारण मसाल्यात अगोदरच मीठ असते. वाफ येउ द्यावी. वरून ओले खोबरे आवडत असल्यास घालावे. अतिशय चमचमीत अशी ही भाजी पोळी, भाकरी, भात, ब्रेड याबरोबर छान लागते व नुसती सुद्धा मस्त लागते.