डोंबिवलीतून कांदिवलीला जा ना
                                  बोरिवलीतूनी विरारमधि  जा ना    ..... ध्रु.

                                   दादरामधूनी आता, अंबरनाथला जा ना
                                   कधीमधी येऊनी , भेळपुरी खा ना .... ध्रु.          

                                   कुलाबा सोडुनि, जाता का सोपाऱ्याला ?
                                    नाहीतर वांद्रा मोकळे करा ना  ...... ध्रु.                                             

                                    कुर्ला आमुचाच आहे, भायखळाही आमुचा
                                     करा की रिकामे, घाटकोपर आता.... ध्रू                                                    

                                     गिरगावामधुनी , लवकर हाला ना
                                     अवघ्या चाळी ताब्यात , देउनी पळा ना.. ध्रू                                        

                                     ऐसा मी उपरा, या मुंबईचा राजा
                                     कोणिही येउनि, लुटा इथली मजा...... ध्रु.                                            

                                      ("आरंभी वंदीन अयोध्येचा राजा.... "  या रामदासांनी लिहिलेल्या व श्री भीमसेन जोशी यांनी गायलेल्या, अभंगाचे हे विडंबन असून , ते त्याच चालीत गाता येईल. ऱ्हस्व दीर्घ त्याप्रमाणे वापरले आहेत. जरूर पडल्यास गातांना त्या प्रमाणे ऱ्हस्व दीर्घात बदल करावेत. हे केवळ मनोरंजनासाठी लिहिले आहे)