पेरु- ३ मध्यम आकाराचे, दळदार, फार जास्त पिकलेले नकोत, एकदम कर्रेही नकोत
मेथीदाणे - अर्धा चमचा, मिरी - ५-६ दाणे, लाल सुक्या मिरच्या- २-३, लवंगा- २
गूळ- १ कप - चिरुन, फोडणीचे साहित्य
१० मिनिटे
३-४ जण
पेरुच्या मध्यम आकाराच्या फोडी करून घ्याव्या. जाड बुडाच्या पातेलीत खमंग फोडणी करून तीत मेथ्या, मिरी आदी जिन्नस टाकून फोडी घालाव्या. मीठ, अर्धा चमचा लाल तिखट घालून चांगले हलवून घ्यावे व वाफ येऊ द्यावी. (गरज वाटल्यास अर्धा कप पाणी घालून हलवावे- त्याने जरा सरसरीत होईल). नंतर गूळ घालून ढवळावे व परत एक वाफ काढावी. गूळ पाकावर आला पाहीजे. फोडी बोटचेप्या शिजवाव्या... फार लगदा होऊ देऊ नये.
गरम पोळी, सुक्या बटाट्याची भाजी, केळीचे शिकरण व पेरुचा मेथांबा - असा सुटसुटीत मेनू ठेवावा.....
:-)
आई
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.