खरं की काय ?
शनिवारी खातात चणे !
ते डुक्कर होतात म्हणे !!
रविवारी लवकर उठतात !
त्यांना दोन शिंगे फुटतात !!
सोमवारी खातात पान !
त्यांचे होतात लांब कान !!
मंगळवारी अभ्यास करतात !
त्यांच्या केसांत उवा भरतात !!
बुधवारी तोडतात फुले !
त्यांचे होतात मोठ्ठे कुले !!
गुरुवारी खातात उसळ !
त्यांच्यामागे लागते मुसळ !!
शुक्रवारी आंघोळ करतात !
त्यांना येऊन पोलिस धरतात !!
- मंगेश पाडगांवकर
मंगेश पाडगांवकरांच्या मला आवडणाऱ्या काही रचना इथे देतो आहे. आपल्याला देखिल आवडतील अशी अपेक्षा !
शशांक