आशा

दूर आहे आज गंगा पाहून आलो
अर्ध्य माझे चंद्रभागे देवून आलो !

येत नाही आठवांना तो गंध आता
 काय मी हा श्वास तेथे ठेवून आलो ?

ओलते संदर्भ आभाळी वेदनेला
 दूर ओझे मी ढगांचे वाहून आलो !

थांबले आता धुमारे या माझ्या व्यथेचे
 धुमसतांना एकदा मी पेटून आलो !

थांबवावे गोंधळाला कंटाळलो मी
 आज एकांतास माझ्या विनवून आलो !!

वाहली श्रद्धांजली ती केव्हाच मनाला
 आज आशा कोणती मी लावून आलो !

विलास खाडे