चल उठ मर्दा
घे हातात कुदळ
खोदुन काढ जमीन
आळस कश्याला.?
चल उठ गध्या
माय राबतेय तुझी
घे ओझे पाठीवर
असा लोळतोस काय.?
चल उठ राया
घे हातात नांगर
नांगरून काढ शेत
बैलावर ओझं कश्याला.?
चल उठ कोळ्या
पुन्हा जाळे फेक
अडकेल मासा
प्रयत्नांशी परमेश्वर.
चल उठ पोरा
पाड फडश्या पुस्तकाचा
येईल तितकं लिही
नक्कल कश्याला.?
चल उठ मंत्र्या
किती करशील लुच्चेगिरी?
रयतेची सेवा
एकदा तरी करशील.?
चल उठ मर्दा
लढ थोडा हिमतीनं
घाबरून जाऊन कुणी
जग जिंकत नाही.
- अनिकेत भांदककर (शब्दझेप)