दुसरीच कविता असल्यामुळे व कवितेच्या कुठल्या प्रकारात मोडते हे माहित नसल्यामुळे "कविता" या लेखन प्रकारात लिहली आहे. (कदाचीत चारोळ्या या प्रकारात मोडत असावी...)
"नात... तुझं अन माझं"
नात... तुझं अन माझं ,
आळवाच्या पानावरच्या थेंबासारख...
सहवासात असतात ते पण,
एकजीव मात्र होत नाहीत...
नात... तुझं अन माझं ,
नदीच्या दोन किनाऱ्यांसारख...
बरोबर असतात ते पण,
ते कधी मिळत नाहीत...
नात... तुझं अन माझं ,
समुद्रकिनाऱ्यावरच्या दगडावरच्या शेवाळासारख...
उगवतात तिथे ते पण,
रुजत मात्र नाहीत...
नात... तुझं अन माझं ,
दोन डोळ्यांसारख...
जवळजवळ असतात ते पण,
कधी एकमेकाला पाहु शकत नाहीत...
नात... तुझं अन माझं ,
ग्रीष्मातल्या मृगजळासारख...
भासत पण,
असत नाही...
जयदीप.
