या जगात अब्जावधी माणसे आहेत आणि प्रत्येकाचे  पूर्वानुभवातून आलेले पूर्वग्रह वेगवेगळे असू शकतात.  एकाच गोष्टीकडे ती वेगवेगळ्या चष्म्यातून,  वेगवेगळ्या दिशेने व वेगवेगळ्या अंतरावरून पहात असतात. त्यामुळे कोठल्याही गोष्टीला नेहमीच अपरिमित मिती (डायमेन्शन्स) असतात. आपण ठरवले तरी सगळ्या बाजूने पाहू शकत नाही. आपली तेवढी पात्रताही नसते. फक्त आपल्याला जे दिसत नाही ते अस्तित्वातच नाही असे समजू नये एवढे केले तरी बरेच प्रश्न सुटतात.