हिंदी (खास करुन कपूरनिर्मीत साबणनाट्यात):<br />१. बायका भरजरी आरसेकामाच्या साड्या, लिपस्टीक, आयलायनर यासह झोपतात आणि उठल्या तरी त्यांचे केस जराही विस्कटलेले नसतात.<br />२. माणसे घरातही बघावं तेव्हा टायसहित सुटाबूटात असतात.<br />३. नायिका, खलनायिका व (मालिकेत)आजी नसलेल्या&nbsp;प्रत्येकीचे केस कायम प्रतिज्ञा केलेल्या द्रौपदीसारखे(किंवा हडळीसारखे) मोकळे सोडलेले असतात.<br />४. मालिकेतली लहान(बाळ) मुले बाकी मोठी पात्रे मोठी व्हायला लागली आणि मालिका वर्षानुवर्षे चालली तरी बाळच राहतात.<br />५. बायकांचे ५/६/७/८/९ महिने पूर्ण झाले तरी त्यांची पोटे दिसत नाहीत.<br />६. कोमात गेलेली पात्रे पटकन शुद्धीवर येतात.<br />७. नायिकेची/नायकाची आई/मावशी/काकू&nbsp;या तुम्हा आम्हा सामान्य तरुण मुली/बायकांना लाजवतील इतक्या तरुण दिसतात व त्यांचे केस फक्त एका पट्ट्यात पूर्ण पांढरे आणि बाकी ठिकाणी काळेभोर असतात.<br />८. एखादीच रात्र दारु पिऊन झोपून (किंवा पाऊस व शेकोटीमुळे)नायकाचे व आजूबाजूच्या पुरुष पात्रांचे पाय सटासट घसरलेले असतात व प्रत्येक पुरुषाला किमान एक अवैध संतान होणार असते.<br />९. घर गहाण टाकलेल्या अत्यंत गरीब कुटुंबातही बायकांच्या अंगावर लग्नातल्यासारख्या साड्या ,गळ्यात हिऱ्याचे दागिने आणि पुरुषांच्या अंगावर ग्रासिम इ. सुटिंगचे सूट असतात.&nbsp;&nbsp;&nbsp;<br />१०. प्रत्येक गुपिते स्पष्ट व संदर्भासहित आणि पब्लिक जागी चर्चिली जातात आणि बाजूला किंवा दाराआड किंवा पडद्याआड खलनायिकेला लपून ऐकायला जागा ठेवलेली असते.<br />११.&nbsp;प्रत्येक नायिका&nbsp;भयंकर त्यागमूर्ती असते.<br />१२. अडचणीच्या वेळी भ्रमणध्वनी उचलले जात नाहीत, पडून फुटतात&nbsp;किंवा खलनायकाच्या हातात असतात.<br />१३. प्रत्येक मालिकेत&nbsp;एका खोलीचे/हवेलीचे रहस्य असते आणि ते नायिका सोडून सर्वाना माहिती असते.&nbsp;&nbsp;&nbsp;<br />१४. नोकरमंडळी कायम दांडियाला निघाल्यासारखी रंगीबेरंगी आणि चकाचक पोशाखात असतात.