त्या रात्री सायली तशी वागते कारण काहीही निर्णायक तिथे घडत नाहीये.

निर्णायक म्हणजे काय? निर्णायक म्हणजे त्या दोघांचा 'प्रत्यक्ष शरीर संबंध', असे असेल तर मला सायलीच्या विचार प्रक्रियेचे नवल वाटते. कोणी स्त्री किंवा पुरुष त्या थराला गोष्टी जाईपर्यंत जाणूनबुजून वाट पाहत बसत नाही. अजाणता आजूबाजूच्या घटनांकडे दुर्लक्ष झाले तर मी समजू शकतो.

ती जाऊन बोलणं, किंवा तिची तिथं असण्याची काहीच गरज नसताना त्याच्यांमध्ये जाऊन बसणं किती आऊट-ऑफ-प्लेस वाटेल हे बघा नं.

घरी आलेल्या पाहुण्यांशी आपण फक्त गरज असेल तरच बोलतो का? विषय कळत नसला तरी घरी आलेल्या पाहुण्यांची यजमानीणबाई ह्या नात्याने तिचे तिथे असणे आवश्यक आहे. घरात पाहुणे असताना बेडरूममध्ये जाऊन झोपणे पाहुण्यांना अपमानकारक आहे.

ती स्वत:ला सांगतीये की, 'जेलसी वगैरे बाष्कळपणा माझ्याकडून व्हायला नको.'

घरी आलेल्या पाहुणीशी बोलत बसणे अथवा तिच्या आणि नवऱ्याच्या संभाषणात (विषय कळत नसल्यास, गप्प राहून) रस दाखविणे म्हणजे 'जेलसी' दर्शविणे होते? मला नाही तसे वाटत.