लिखाण:
पूर्वीच्या प्रतिसादात म्हटल्याप्रमाणे फाँटचा प्रश्न येऊ नये म्हणून पी डी एफ् पाठवल्यास उत्तम. बरेचदा असे आढळून येते की काही मराठी अक्षरसंच वापरून लिहिलेले लिखाण इतर संगणकांवर काने मात्रे वेलांट्या पुढेमागे किंवा पूर्ण चौकोन या स्वरूपात दिसते. जो लिहितो त्या स्वतःच्या संगणकावर हे लिखाण उत्तम दिसते, पण तेच दुसऱ्या संगणकावर दिसायला काही फाइल्स/आज्ञावल्या उतरवून घेतल्याशिवाय दिसत नाही अशातलाही प्रकार असतो. 'युनिकोड' पद्धती अनुसरणाऱ्या प्रणाल्या उदा. बरहा, गमभन,मनोगत, या वापरून लिखाण करून पाठवल्यासही चालेल. पी डी एफ् या दृष्टीने उत्तम कारण एकदा पी डी एफ् बनवण्याचे संस्करण झाले की फाँट दुसऱ्या संगणकांवर वगैरे दिसण्याची समस्या फारशी येत नाही. 
मार्गदर्शन:
१. पीडी एफ्: बरहा वा मनोगतावर टंकलेखन करून आपले लिखाण ओपन ऑफिस प्रणालीच्या एस राइट मध्ये चिकटवून 'एक्स्पोर्ट डायरेक्टली ऍज पीडी एफ्'  करता येईल. किंवा तुम्हाला माहिती/आवडत असलेली कोणतीही पी डी एफ् बनवणारी प्रणाली वापरू शकता.
२. नोटपॅड: गमभन/मनोगतात टंकलेखन करून ते नोटपॅड मध्ये चिकटवणे आणि फाइल साठवताना(सेव्ह करताना) खाली फॉर्मॅट 'युटी एफ् ८' निवडून सेव्ह करणे. सेव्ह केल्यावर परत उघडून पाहणे.
३. अप्रकाशित लिखाण: मनोगतावर लेखन करावे मध्ये जाऊन 'प्रकाशित करा' या शब्दांमागची 'बरोबर' ची खूण काढून टाकणे आणि रोज थोडे थोडे लिखाण करणे. अर्थात या लिखाणाचा अतिरेक झाल्यास मनोगत सेवादात्यावर भार पडण्याची शक्यता आहे.
४. गूगल: युनिकोड स्वरूपातील लिखाण गूगल मेल वर दिसू शकते. कोणत्यातरी मराठी टंकलेखन प्रणालीने लेखन करून ते गूगल मेल मध्ये कॉपी पेस्ट करून 'दिवाळीमनोगत' गूगल गटाला विरोपाद्वारे पाठवणे. 
५. अधिक माहिती साठी http://en.wikipedia.org/wiki/Wikipedia:Enabling_complex_text_support_for_Indic_scripts बघा.

अंकाचे स्थान व रूप:
लिखाण आल्यावर लिखाणाचे आकारमान, पूर्ण लिखाणाने व्यापलेली साठवण(मेमरी),ड्रुपल पुस्तके व इतर ठिकाणांचे गुणदोष यावरून अंकाचे स्थान कुठे हा निर्णय नीट घेता येईल.हे नीट व लवकर ठरवण्यासाठी सध्या वाचक मंडळींनी अधिकाधिक संख्येत लिखाण पाठवण्याची मुख्य गरज आहे.