खेळ मांडीयेला वाळवंटी घाई, नाचती वैष्णव भाई रे |
क्रोध अभिमान गेला पावटणी, एक एका लागतील पायी रे ||
गोपीचंदन उटी तुळशीच्या माळा, हार मिरविती गळा |
टाळ मृदुंग घाई पुष्पवर्षाव, अनुपम्य सुखसोहळा रे ||
वर्ण अभिमान विसरली याती, एक एका लोटांगणी जाती |
निर्मळ चित्ते झाली नवनीते, पाषाणा पाझर सुटती रे ||
होतो जयजयकार गर्जत अंबर, मातले हे वैष्णव वीर रे |
तुका म्हणे सोपी केली पायवाट, उतरावया भवसागर रे ||

आभार : गीतमंजूषा