मराठीचीच ज्येष्ठ (?) भाषाभगिनी असलेल्या कन्नडमध्ये विशेषण विशेष्याच्या लिंगाप्रमाणे बदलत नाही. मराठीत मात्र लिंगाबरोबरच एकवचनाचे बहुवचन झाले तरी विशेषणांची रूपे बदलतात. पण कन्नडमध्ये विशेषण तसेच्या तसे राहते.

शहाणा मुलगा, शहाणी मुलगी, शहाणे बाळ या तीन रूपांतील विशेषणासाठी "जाणा" (हुडुगा/हुडुगी/मगा) हे एकच विशेषण कन्नडमध्ये वापरता येईल.

याशिवाय निर्जीव वस्तूंसाठी कन्नडमध्ये केवळ नपुंसकलिंग वापरात असल्याने "तो" चहा, "ती" कॉफी, "ते" सरबत असा प्रकार तिथे नाही. "अदु" हे एकच सर्वनाम पुरेसे आहे.

कन्नडमध्ये क्रियापदेही अनेकदा सारखीच असतात. त्यामुळे मी आलो नाही, ती आली नाही हा प्रकार तिथे नाही. "बरलिल्ला" हे एकच क्रियापद वापरता येते.

वरील उदाहरणे ऐकीव व अर्ध्याकच्च्या कन्नड ज्ञानावर आधारित आहेत. चू.भू.दे.घे.