ही भाषा लोप पावेल असे वाटत नाही. हिंदी सिनेमे हे खरे तर उर्दू सिनेमे असतात (काही अपवाद वगळा). त्यामुळे त्याद्वारे बोली उर्दू, उर्दू गाणी ह्यांना मरण नाही. त्यामुळे काही क्लिष्ट शब्द सोडल्यास हिंदी ज्याला कळते त्याला उर्दू सहज समजेल. खरेतर ह्या दोन भाषातील (बोली) सीमा अगदी धूसर आहे. लिपीचे मात्र तसे नाही. मात्र उर्दू लिपी शिकणे खूप रोचक आहे. मी सहा महिन्यात निव्वळ एक पुस्तक वाचून उर्दू शिकलो आणि आता बऱ्यापैकी वाचू शकतो. तुम्हालाही इच्छा असेल तर शिकता येईल. इंटरनेटवरही अनेक स्थळे आहेत जिथे उर्दू शिकता येते. हिंदी येत असेल आपण त्या भाषेचे व्याकरणही बऱ्यापैकी माहित असते त्यामुळे लिपी शिकणे फार जड जात नाही.

चित्तने म्हटल्याप्रमाणे फारसी भाषेतील शब्द उर्दूत मोठ्या प्रमाणात आहेत. पण तसे मराठीतही फारसी शब्द कमी नाहीत.