मराठीतल्या पोटफोड्या 'ष'चा उच्चार आता लोप पावला आहे. बहुतेक लीना गोविलकरांच्या पुस्तकात असे वाचले होते आणि एका तज्ज्ञाकडून खातरजमाही केली होती. ह्याबद्दल तुमचे काय मत आहे? मराठीतल्या तत्सम शब्दांचे उच्चार मराठीप्रमाणे असावेत की संस्कृतप्रमाणे?

फक्त सुधीर फडक्यांना "ष" चा उच्चार जाणीवपूर्वक वेगळा करताना ऐकले आहे. बाकीची बहुतेक सर्व मराठी जनता "ष" आणि "श" मध्ये उच्चार करताना फरक करीत नाही. तेव्हा तो लोप पावला आहे असे गृहित धरायला हरकत नसावी. तीच गोष्ट "ऋ" आणि "रु" ची. तथापि त्यांना लिपीतून हद्दपार करावे असे मला वाटत नाही.

मराठीतील तत्सम शब्दांचे उच्चार हे मराठीप्रमाणेच असावेत असे माझे मत आहे.