वा...वा...वा...

थेट वेदकाळात नेलंत हां विसुनाना !
..........................

नवीन जीवन, नवीन मानव,  सृष्टीही नवनवती
नवीन आतुन मनही - सारे  नवीन अवतीभवती

सुंदर...

करित पाठ ऋग्वेदऋचांचा  कुणी आहुती देती
मनामनातुन गुंजन करते  'ॐ शांती शांती '

ऋग्वेदांना ॐ मध्ये मात्र उगीचच अडकवलेत हां ...  :)

आले कोठुन अंतरिक्ष, जल, - वायु, तेज अन धरती ?
- मग्न चिंतनी कुणी शोधतो विश्वाची उत्पत्ती

वा..वा...ऋषिमुनिवृंद डोळ्यांपुढे आला...

(वायु तेज नि धरती असे हवे)

***

जिथे वाहिली सिंधुसरिता अगाध पिकवित मोती
आमच्या पेशींमधली जनुके तिथे पोसली होती

वा...वेद आणि विज्ञान यांचा मनोज्ञ संगम !

(इथे मात्रापूर्तीसाठी धू दीर्घ पाहिजे. आमच्याऐवजी अमच्या किंवा अमुच्या हवे)

वाद घालतो "नव्हेच तुमची, ही तर आमची माती
वेगवेगळी आता लिहावी तुमची आमची खाती"

ॐ मधून बाहेर पडलात आणि हे बरीक खरे बोललात...:) खूपच छान !

(अमची किंवा अमुची हवे, आताऐवजी अता हवे )

दूर कुठेशी शांत झोपला घोडा माळावरती
इतिहासाचे देउन ओझे आमच्या खांद्यांवरती...

अंतर्मुख करणारी द्विपदी...अत्युत्तम.

(अमच्या किंवा अमुच्या हवे)

............

एकंदर छान रचना...वेदातील एखाद्या सूक्ताचेच पठण केल्यासारखे वाटले...शुभेच्छा.

अधूनमधून नको; तर वरचेवर येत जा, विसुनाना.