रेडिओ मिर्ची (मिरची नव्हे! ) मला काही दिवस नाईलाजाने ऐकायला लागले होते. एखादे वाक्य मराठीत सुरू करुन, मध्येच हिंदीत घसरून शेवटी इंग्रजीत पूर्ण करण्याची ष्टाईल कितीही 'कूल' असली तरी माझ्या आकलनापलीकडची आहे. 'टेन्शन नही लेनेका' हे अनिरुद्धचे परवलीचे वाक्य ऐकून वेड लागायची पाळी आली. सात ते साडेसात एकीकडे विविध भारतीवरचे 'भरम तेरी वफाओंका मिटा देते तो क्या होता' किंवा शेवटचे 'करुं क्या आस निरास भयी' ऐकून चुकून मिर्चीवर जावे तर तिकडचे 'इटस हॉट' ऐकून कुणीतरी फाडकन तोंडावर मारल्यासारखे वाटायचे. तात्पर्य काय, सगळ्याच गोष्टी सर्वांसाठी असत नाहीत.