राजीवचे मन लावून शिकवणे, त्या चार जणांचे त्याच्या भोवती कोंडाळे करून बसणे व त्यालाच वर्ग म्हणणे हे सगळे ती आठवत असतानाच एजीएम ने बोलावल्याचा निरोप घेऊन शिपाई आला. <br />"बिना, ऑफिसच्या उद्घाटनाच्या आमंत्रिताची यादी तयार झाली? " एजीएमनी विचारले.<br />"हो सर, रावतेंकडे दिली आहे, तेच सगळ्यांना इन्व्हिटेशन कार्डस पाठवणार आहेत. " <br />"आपल्याला नवे टार्गेट दिले आहे, सगळ्या एजंटांना मीटिंगसाठी बोलवा; शनिवारी दुपारी ४ ची वेळ द्या"<br />"बापरे आता नवीन टार्गेट म्हणजे डबल काम येणार असे दिसतेय. " बिना रावतेंच्या टेबलावर जाऊन पुटपुटली.<br />रावतेंनी हातातल्या कामात व्यस्त असल्याचे दाखवत तीच्या बोलण्याकडे दुर्लक्ष केले. <br />*********<br />राजीव वडिलांच्या घरी फोन करायला साफ विसरला होता. सहकार्यांत ते एकत्र राहतात हा समज होता.<br />डिसुझा बाई, इनामदार व तो सादरीकरणावरच्या विषयावर बोलत असताना त्याच्या भ्रमणध्वनीवर वडिलांचा फोन आला. <br />"बोला बाबा.... " त्याच्या बोलण्यातला त्रोटकपणा स्पष्ट दिसत होता.<br />"माझी औषधे संपली आहेत, कॉलेजहून घरी जाताना जरा नवीन औषधे पोहचवशील का? " तीर्थरूप काकुळतीला येऊन म्हणाले<br />"बघतो कसे जमतेय ते" <br />"नसेल जमणार तर राहू दे; मी आजचा दिवस नाही घेणार औषधे" <br />"नाही तसे नाही पण मी प्रयत्न करतो वळण्याचा" हे बोलत असतानाच फोन कट झाल्याचा आवाज त्याला आला. <br />डिसुझा बाई मधाळ नजरेने बघते आहे हे लक्षात येताच तो स्मितहास्य देऊन सादरीकरणाच्या विषयाकडे वळला.<br />........................................