'सर्व व प्रत्येक उच्चारांत' आणि त्यांच्या लिखीत चिन्हांत समानता असेल तरच दोन्ही भाषा समान लिपी वापरतात असे म्हणता येते.'

इंग्रजी, फ्रेंच, जर्मन, इटालियन नॉर्वेजियन या भाषा तीच लॅटिन किंवा रोमन म्हणवली जाणारी समान लिपी वापरतात. त्यांच्या उच्चारात कुठे समानता आहे?  चीनमधल्या मेंन्डॅरिन, कॅंटोनीज, वू, मिंबेइ, मिनान, झियांग, गान, हक्का इत्यादी सुमारे ५० भाषा तीच चित्रलिपी वापरतात, परंतु पूर्णपणे वेगळी वाचतात. एका भाषेच्या उच्चाराचे दुसऱ्या भाषेतील उच्चाराचे कधीकधी काडीचेही साम्य नसते.  मराठी, हिन्दी, नेपाळी, संस्कृत यांचे असेतरी नाही. या भाषांच्या सारख्याच लिहिलेल्या शब्दांचे ९९ टक्के उच्चार सारखेच होतात.

त्यामुळे लिखित चिन्हात समानता असली तरी उच्चार समान असले पाहिजेत अशी गैरसमजून कुणी करून घेऊ नये.