"मराठीतून आज्ञावली" हा शब्दप्रयोग थोडा फसवा आहे. सी / सी ++ / जाव्हा वगैरे "संगणक भाषा"  आहेत, ज्या रोमन लिपी वापरतात.<br />त्यांचे व्याकरण (सिंटॅक्स) स्वतंत्र असते, म्हणजे त्याचा इंग्रजी व्याकरणाशी संबंध नसतो. ह्या भाषांमध्ये लिहिलेला प्रोग्रॅम कंपाईल केल्यावर त्याचे संगणकाला समजेल अशा भाषेत (बायनरी) रूपांतर होते. <br />हिंदवी मध्ये फरक इतकाच दिसतो की तिथे प्रोग्रॅम लिहिण्यासाठी रोमन लिपी ऐवजी देवनागरी लिपी वापरली आहे - आणि तिचे व्याकरणही ठरवलेले आहे - त्याचा मराठी व्याकरणाशी / विरामचिन्हांशी काही संबंध नाही. हिंदवी मध्ये देवनागरीत लिहिलेला प्रोग्रॅमही कंपाइल झाल्यावर बायनरी रूपांतरच होते.<br /><br />अशा रीतीने तयार झालेली बायनरी फाईल (एक्झीक्यूटेबल) दिली असता मूळ प्रोग्रॅम सी भाषेत होता की हिंदवी हे सांगणे जवळजवळ अशक्य असेल.<br /><br />त्यामुळे हिंदवी मध्ये फक्त थातुरमातुर प्रोग्रॅम लिहिता येईल असे नाही, तर त्याचा कंपायलर जे काही करू शकतो ते सर्व करता येईल.<br /><br />बाकी मुद्दे वर चक्रधर यांनी सविस्तर स्पष्ट केलेलेच आहेत.<br /><br />-अमित<br type="_moz" /><br />