पूर्ण मी फुलणार आहे
आतला रस गवसला
मूक माझ्या भावनांतून
शब्दघन हा बरसला

ह्या सुरवातीच्या ओळी पाहिल्यास, त्यांत पूर्ण, घन, मूक इत्यादी शब्दांच्या वास्तव्यामुळे आणि 'फुलणार', 'रस' हे (फुलणार् रऽस् असे न उच्चारता) पूर्ण उच्चारणे खटकत नसल्यामुळे (... खरे तर रस ऐवजी रऽस् म्हटल्यास अर्थ किंचित वेगळाही होतो) ती अपेक्षा चटकन ध्यानात येत नाही. (असे मला वाटले) ... 

कवितेत पुढेही कुंभ, स्वत्व, अव्यक्त असे शब्द असल्याने पूर्ण अकारान्त वापरण्याची खात्रीच होत जाते. त्यामुळे शेवटी स्वरूपातऽच् असे न म्हणता स्वरूपातच असे म्हणावेसे वाटते, असे वाटते.

असेच माझे झाले खरे. गालगागा, गालगागा करत स्वरूपातच पर्यंत आलो. पण उच्चारांची अपेक्षा चटकन ध्यानात आली नाही. थोडक्यात शेवटच्या चार ओळी वाचताना गियर बदलायचे भान राहिले नाही. असो. अनेकदा चटकन कविता वाचून पटकन अभिप्राय देताना प्रत्येकवेळी ह्या गोष्टी लक्षात येतीलच असेही नाही.