एखादा शब्द बरा आहे पण एकंदर अगदीच बेताची रचना बुवा

या शहराची वाट चालणे धोक्याचे आहे
या शहराची 'वळणे' वळणे धोक्याचे आहे...
पहिल्या ओळीचा दुसऱ्या ओळीशी संबंध लागत नाही

या शहरातून निघून जाणे धोक्याचे आहे
अन या शहरी पुन्हा परतणे धोक्याचे आहे...
ठीक

कुणी म्हणाले, "गप्प राहणे धोक्याचे आहे"
कुणी म्हणाले, "सत्य बोलणे धोक्याचे आहे"...
ह्म्म

पराभवांची सवय लागणे धोक्याचे आहे
अशा प्रकारे युद्ध जिंकणे धोक्याचे आहे...
पहिल्या ओळीत सांगून झाले. ओळ सपाट.

आवेशाने पेटून उठणे धोक्याचे आहे
शांतपणाने विझून निजणे धोक्याचे आहे...
पेटून उठणे वृत्तात बसत नाही. निजणेमध्ये सगळे आले. शांतपणाने विझून वगैरे भरीचे. उठणेला निजणे म्हणून पेटूनला विझून यांत्रिक वाटते बुवा.

कुणा म्हणू मी अता आपले अन कोणा परके?
कुणास काही आता म्हणणे धोक्याचे आहे...
दुसरा आता अनावश्यक.

स्वातंत्र्याचा मुखवटा किती दिसतो तकलादू!
अशा प्रकारे 'स्वतंत्र' जगणे धोक्याचे आहे...
दिसतो की असतो???

ज्या नेत्यांनी स्वार्थासाठी शहराला विकले
त्या नेत्यांना पुन्हा निवडणे धोक्याचे आहे...
शहराला का? मुंबई की काय? दोन ओळी मिळून एक विधान झाले. हा शेर असू शकत नाही.

'जे होते ते बऱ्याचसाठी'..., लोकांना वाटे
नेहमी अशा भ्रमात असणे धोक्याचे आहे...
काही वेळा अशा भ्रमात असणे धोक्याचे नाही का?

अशा प्रकारे गझल पाडणे धोक्याचे आहे बुवा.