दिस चार झाले मन, पाखरू होऊन
पानपान आर्त आणि झड बावरून

सांजवेळी जेव्हा येई आठव आठव
दूर कुठे मंदिरात होई घंटारव
उभा अंगावर राही काटा सरसरून

नकळत आठवणी जसे विसरले
वाटेवर इथे तसे ठसे उमटले
दूर वेडेपिसे सूर सनईभरून

झाला जरी शिडकावा धुंद पावसाचा
आता जरी आला इथे ऋतू वसंताचा
ऋतू हा सुखाचा इथला गेला ओसरून   
 
गीत - सौमित्र
संगीत - अशोक पत्की
स्वर - साधना सरगम
चित्रपट - आईशप्पथ...! (२००६)

इथे दिस चार म्हणजे बरेच दिवस असा अर्थ दिसतो आहे.