संपला रस्ता तरी चालायचे सोडू नको
पायवाटेने प्रसंगी जायचे सोडू नको

वा...

मी तुला नक्की कधी भेटेन हे सांगू कसे?
एवढे सांगेन की शोधायचे सोडू नको

वा... वा...

कवडसे पडतील आपोआप माझ्या अंगणी
फक्त गच्चीवर सकाळी यायचे सोडू नको

उत्तम...

पाहिजे तर फेक गेलेल्या क्षणांची लक्तरे
पण नव्याने सूत तू जमवायचे सोडू नको

सुरेख कल्पना.
गेलेल्या क्षणांची लक्तरे... छान!

...........


तुमच्या काही कल्पना चमकदार (चांगल्या अर्थाने वापरत आहे हा शब्द मी! ) असतात़; पण शेराच्या गोटीबंदपणासाठी आणि एकंदरच सफाईदारपणासाठी आणखी एखादा हात जरूर फिरवत जा... गझलेवरून!

मनापासून शुभेच्छा.
...........