Sardesaies येथे हे वाचायला मिळाले:
पाचवी-सहावीत मला सायकल शिकायचे भारी वेड लागले होते. आमच्याकडे तीन चाकी स्कूटर होती. ती घेऊन काही वेळा मी हट्टाने दादरच्या मुख्य पोस्टात पत्र टाकायला किंवा त्याच्या जवळच असलेल्या बर्शन गॅसच्या दुकानात गॅस नोंदवायला जात असे. एका पायाने रस्त्याला रेटे मारत ही स्कूटर पळवायला खूप मजा येई. आंबेडकर रोड म्हणजे अव्याहत ट्रॅफिक, गर्दी. अगदी मध्यरात्री अडीच तिनालाही ह्या रस्त्याला आराम नसे. शिवाय ट्रक ट्रॅफिक जास्त असल्याने आमच्या आईला फार भीती वाटे.