कुण्या जन्मातली हुरहूर ही? डोळ्यांपुढे माझ्या -
- कधीचा काळ तरळावा... तुझ्या हळुवार स्पर्शांनी!
चिरेबंदी कुठे माझी कुणाला भेदता आली?
चिरा एकेक निखळावा... तुझ्या हळुवार स्पर्शांनी!
फुलापेक्षा किती नाजूक आहे जीव हा माझा...
जरा हा भाग वगळावा... तुझ्या हळुवार स्पर्शांनी!
तुझ्या-माझ्यात हा जो थंड शब्दासारखा आहे...
अबोला पार वितळावा... तुझ्या हळुवार स्पर्शांनी! ... वा वा बहोत खूब!
दुराव्यातील या जखमा बऱ्या होतील की नाही?
पुन्हा हा प्रश्न चिघळावा... तुझ्या हळुवार स्पर्शांनी!
पहा, गेलीस कोमेजून तू श्वासांमुळे माझ्या...!
कशाला गंध उधळावा... तुझ्या हळुवार स्पर्शांनी!!