"""ऍ हे अक्षर ऱ्हस्व ए दाखवणारं असून दाक्षिणात्य भाषांतील मजकुराच्या लिप्यंतरात ते लागतं.

ही चुकीची माहिती युनिकोडला कुणी कळवली?  बरोबर माहिती कळवणारी मराठी तज्ज्ञमंडळी नव्हती का? ऍ हे अक्षर भारतातील फक्त मराठी लिपीत आहे; इतर दाक्षिणात्य वा उत्तरेकडील लिप्यांत नाही. आणि ते अक्षर ऱ्हस्व ए दाखवत नाही तर atom मधल्याला ए चा इंग्रजी उच्चार दाखवते.

मात्र अजूनही ही सुधारणा टंकांनी करून घेतलेली नसल्याने....  कारण? मराठी भाषेसाठी असंख्य टंक आहेत, त्या सर्व टंकांत ऍ टंकता येतो, युनिकोडमध्येच का येत नाही?  याचे मुख्य कारण असे आहे की मराठी तज्ज्ञ फक्त देवनागरी टंक करतात, मराठी नाही.  त्यामुळे, मराठी श, ख, च, झ, ळ नैरृत्यमधला रृ युनिकोडमध्ये टंकता येत नाहीत. 'ळ' सुद्धा उमटतो तो एक मांडी वर उचलेला. ख्रिस्त(khrist) हा शब्द युनिकोडमध्ये लिहिता येत नाही. कारण 'ख'ला र जोडायला जागाच ठेवलेली नाही.