'उगवणे' ह्या शब्दाचे उलगडणे, उकलणे हेही अर्थ असतात हे खरे आहे. पण तुम्ही जी वाक्यरचना वापरली आहे त्यानुसार ते लागू होऊ शकतात का?

- "उगवून मी येईन" हा बोलणार्‍यासाठी ऍक्टिव वॉइस व 'ति'च्यासाठी पॅसिव वॉइस होतो.
'उलगडून/उकलून मी येईन तुला' असे म्हणाल्याने तुम्हाला अभिप्रेत अर्थ निघत नाही. त्यासाठी 'उगवेन मी तुला' (पक्षी : उलगडेन/उकलेन मी तुला)  असे वाक्य योजावे लागेल.

'आव्हान' शब्द वापरल्यानंतरही 'उगवून मी येईन' ची सांगड जोडता येत नाही.

निवेदकाला 'उगवणे/उकलणे/उलगडणे' हे तिच्यासाठी आव्हान असू शकते कारण त्यात तिने काहीतरी ऍक्टिव्हली करणे अभिप्रेत आहे. पण निवेदकाच्या आपसूक उगवून येण्यात तिला काय आव्हान ?

निवेदकाचे 'उगवून येणे' तिचा काहीही हातभार लागल्याविना / सहभाग असल्याशिवाय घडणारी गोष्ट आहे.

तेव्हा तुम्ही हे जे दोन अर्थ सांगितले आहेत ते तुम्हाला अभिप्रेत असले तरी तुमच्या वाक्यरचनेतून प्रतीत होत नाहीत.