इंग्रजी उच्चारांचे नियम खूपच लवचिक आहेत. इतके की नियम आहेत असं म्हणण्यापेक्षा या शब्दाचा हा उच्चार एवढंच अनेकदा म्हणता येतं व तसंच लक्षात ठेवावं लागतं. त्या मानानं फ्रेंच किंवा इटालिअन भाषांमधले नियम खूपच तर्कशुद्ध आहेत. शब्द माहीत नसतानादेखील उच्चार काय आहे हे सांगता येतं. माझ्या मते याचं कारण इंग्रजीच्या इतिहासात आहे. बराच काळ ती गरीबांची अप्रतिष्ठित भाषा होती आणि मैलोगणिक बदलणारी होती. आधी लाटिन व नंतर फ्रेंचपुढे सत्ताधारी तिला तुच्छ मानत. शिवाय, परकीयांची आक्रमणं फार झाल्यानं अनेक भाषांच्या भेंडोळ्यातून हळूहळू&nbsp;चॉसरची ओल्ड इंग्रजी&nbsp;भाषा अस्तित्वात आली. त्यामुळे ज्या भाषेतून मूळ शब्द आला, त्याचा उच्चार त्या भाषेतल्याप्रमाणे झाला, किंवा अशिक्षितांनी तो आपल्या वकुबानुसार बदलला. तसंच स्पेलिंगच्या बाबतीतही घडलं. <br />