मृतसंजीवक आख्यान - जैमिनि अश्वमेधमते पाताललोकी शेष नागाचा अनुचर म्हणून हा निवास करत असे. 'मृतसंजीवक' नामक मण्याच्या रक्षणाचे काम शेष नागाने याचेवर सोपवले होते. अर्जुनाच्या अश्वमेधीय दिग्विजयसत्रात त्याचा पुत्र चित्रांगदासुत बभ्रुवाहन याने त्याचा शिरच्छेद केला. अर्जुनास पुनः जीवित करण्यासाठी मृतसंजीवक मणी प्राप्त करण्याच्या हेतूने बभ्रुवाहन नागलोकी आला, आणि त्याच्याशी युद्ध करून त्याने तो मणी हस्तगत केला.
     अर्जुन पुनः जीवित होऊ नये यासाठी याने त्याचे मस्तक आपल्या पुत्रांकरवी पळवले, आणि ते बक दाल्भ्य ऋषींच्या आश्रमात लपविले. परंतु कृष्णाच्या मध्यस्थीने हा वाद सामोपचाराने मिटला (जैमिनि अश्वमेध ४९).