विदर्भात उड्डाण पुलासोबत च सिंचन व्यवस्थेची गरज आहे. पाण्याची पातळी कशी वाढेल याकडे लक्ष देणे गरजेचे होते पण तेथे ही आमचे पुढारी नाकर्तेच ठरले. विदर्भाकडे सिंचनासाठी ठेवलेला पैसा पश्चीम महाराष्ट्राकडे वळत होता तेंव्हा हे पुढारी काय झोपा काढत होते किवा मुग गिळून बसले असतील तर ते कां हे जाणून घेणे महत्त्वाचे आहे. करोडो रुपयाचा Back log वर्षोंगणती तयार होत असतांना याना ते कळत नव्हते ईतके ते अजाण नक्कीच नव्हते. पण त्यांच्या पुढे ठेवल्या गेलेले आमीष त्यांना डोळे मिटून बसण्यास भाग पाडत होते हे न समजण्याईतका विदर्भाचा शेतकरी अजाण नव्हता आणि नाही पण तो परिस्थीती शी मिळवून घेणारा सोशीक मात्र नक्की आहे आणि याच कारणामुळे आज तो हतबल झाला आहे. वसंतदादा पाटील असो की शरदराव पवार असो अशी स्वतःच्या भागाचा विकास करणारी व दुरद्रुष्टी असणारी नेते मंडळी विदर्भाला मिळाली नाही हेच विदर्भाचे दुर्दैव्य. प्रत्येकाने आपले बंगले, शैक्षणीक संस्था, जंगम मालमत्ता ईत्यादीमध्य कशी वाढ होईल यापेक्षा पुढे पाहिले नाही.

विदर्भातील तरुण नोकरीसाठी मुंबई पुण्याकडे धाव घेतो. कॉल सेंटर सारखे ब्यवसाय ज्याला infrastructure म्हणून काहिच लागत नाही ते सुद्धा विदर्भात आणू शकले नाही असे नेते विदर्भाला लाभले तो विदर्भ कमनशीबीच म्हणावा लागेल. हरयाना सारखा टिचभर प्रदेशात आज गुरगाव, सोनीपत, या खेडेसद्रुश्य ठीकाणी कॉल सेंटर व आय टी सेंटर उभे आहेत तेथे विदर्भात अम्ररावती, अकोला, वर्धा, चंद्रपुर सारख्या शहरात सूशीक्षीत तरुण पानपट्यांवर किवा बार मध्ये आपली तरुणाई वाया घालवीतॉ याबाबत येथील नेते मंडळीना विचार करण्याची देखील सवड नाही या पेक्षा अधिक दैवदुर्विलास तो काय?