माझे जगणे होते गाणे !! येथे हे वाचायला मिळाले:
कविराज संदीप खरेंनी लिहिलेले व डॉ. सलील कुलकर्णींनी संगीतबद्ध केलेले ’दमलेल्या बापाची कहाणी’ हे हृदयाचा बांध फोडून जाणारे गीत एव्हाना प्रत्येक मराठी माणसाने ऐकले असेलंच. खालील गीत हे त्याचीच ’अध्यात्मिक’ आवृत्ती म्हणून गणायला हरकत नाही !!! ’मनुष्यत्व’, ’मुमुक्षत्व’ आणि ’महापुरुषसंश्रय’ अश्या तीन गोष्टी फार भाग्याने मिळतात असं आपल्या प्राचीन शास्त्रांमध्ये सांगितलेलं आहे. या तिन्ही प्राप्त होऊन परिस्थितीच्या रेट्याने आत्मज्ञानाच्या उदात्त ध्येयापासून शेकडो योजने दूर असलेल्या शिष्यांचं हे मनोगत.