मनोगतावर प्रस्तुत केलेल्या सदरहू लेखाचे नाव बदलले आहे, असे प्रशासक म्हणतात. मूळ नाव काय होते? सहज माहिती असावी म्हणून चौकशी.
घाशीराम कोतवालचे कथानक नाना फडणविसांची बदनामी करणारे आहे, म्हणून नाटकावर बंदी आणण्याचा प्रयत्‍न, सखाराम बाइंडरविरुद्ध अश्लीलतेच्या आरोप ठेवून खटला, जोधा अकबरच्या प्रदर्शनावर, अकबराला अशा नावाची राजपूत पत्‍नी नव्हतीच असे सांगून हल्लाबोळ, मंगल पांडेला मिशा नव्हत्या, त्यामुळे मिशावाल्या मंगलवर काढलेल्या चित्रपटाविरुद्ध गांवकऱ्यांची निदर्शने, मी गोडसे बोलतोय, गांधी विरुद्ध गांधी या नाटकांना असल्याच फालतू कारणांसाठी विरोध, लोलिता कादंबरीमुळे लॉर्डमंडळींची बदनामी झाली म्हणून तिच्यावर बंदी, तस्लिमा नसरीनच्या 'लज्जा'वर आणि सलमान रश्दीच्या सॅटॅनिक व्हर्सेसवर इस्लामची थट्टा केली म्हणून बंदी, रानडे यांच्या इंग्रजी-मराठी शब्दकोशाच्या छप्पन्‍नाव्या(!) पुनर्मुद्रणात 'कुणबीण किंवा बटकी म्हणजे दासी' असे आढळल्यावर मराठा-कुणब्यांनी शब्दकोशाच्या हज़ारो प्रती नष्ट करायला लावल्या. 'वॉटर'च्या काशीतल्या चित्रीकरणाला तो चित्रपट हिंदू विधवा स्त्रियांच्या करुण अवस्थेवर प्रकाश टाकणारा म्हणून विरोध, अशी कितीतरी उदाहरणे समाजाच्या एखाद्याच वर्गातील लोकांच्या तकलादू भावना दुखवणारी म्हणून देता येतील. (या निमित्ताने डोक्याचा गोटा केलेली शबाना आझमी बरेच दिवस आपला गोटा मिरवत फिरत होती, फ़्लॉन्टिंग करत होती.) केरळातील संतिणींनी आणि पादऱ्यांनी येशू ख्रिस्तावरच्या कुठल्यातरी नाटकावर(सेवन लाइव्ज़ ऑव्ह् क्राइस्ट(?)) बंदी आणली होती. दि पॅशन्स ऑफ क्रिस्ट या चित्रपटाला अशाच फालतू कारणासाठी विरोध झाला. अमिताभ बच्‍चन काम करीत असलेल्या चित्रपटाच्या एका भित्तिचित्रावर अमिताभच्या पायाच्या बाजूला दिसणारी इमारत म्हणजे काबा मशीद आहे असे धरून चालून, त्या भित्तिचित्रावरून मुसलमानांनी मुंबईत दंगल केली होती. स्वीडनच्या(?)एका साप्ताहिकात महंमद पैंगंबरांचे व्यंगचित्र छापले म्हणून मुसलमानांचा दंगा, फार पूर्वी मुंबईच्या एका पारशी दैनिकातील चित्रामुळे अशाच कारणासाठी दंगल, अशा कितीतरी घटना समाजातील काही असमंजसांच्या हेकेखोरीमुळे घडल्या आहेत.