पोलिसनामा येथे हे वाचायला मिळाले:
बॅंकांची रोख रक्कम रस्त्यात अडवून लुटून नेण्याच्या घटना वाढल्या आहेत. अशा घटना सातत्याने घडत असल्या, तरी बॅंका मात्र यातून बोध घ्यायला तयार नाहीत. मोठी रक्कम सुद्धा अतिशय असुरक्षितपणे नेली जाते. यावर लक्ष ठेवून असलेल्या टोळ्या कधी वाहनचालक, तर कधी बॅंक कर्मचाऱ्यांच्या मदतीनेच लूट करतात. विमा असेल तर बॅंकेला नुकसान भरपाई मिळते; पण गंभीर गुन्हा घडला म्हणून पोलिसांची मात्र धावपळ उडते. बॅंकांच्या निष्काळजीपणामुळे यंत्रणेचा दुरुपयोग आणि राष्ट्रीय संपत्तीचा अपव्ययही होतो. या प्रकाराकडे अद्याप गांभीर्याने पाहिले जात नाही.