आपल्या गूगल डॉक्स गृहपृष्ठावर आपल्या, व आपल्याशी इतरांनी 'शेअर' केलेल्या फाईल्सची यादी असते. प्रत्येक फाईल-नावाच्या डाव्या बाजूस तिला निवडण्याची चौकट असते. चौकटीत टिचकी मारून हवी ती/हव्या त्या फाईल्स निवडावी/व्या. मग वरील टास्कबारमधील 'Share'च्या ड्रॉप-डाऊन त्रिकोणावर टिचकी मारून ड्रॉप-डाऊन मेन्यूतील 'Invite people...' निवडावे. तसे केल्यावर खाली दाखवलेली उपखिडकी उघडेल.
ज्यांच्याशी ती फाईल 'शेअर' करायची असेल त्यांचा/चे ई-मेल पत्ता/त्ते 'Invite' चौकटीत घालावे. ते 'Choose from contacts' वर टिचकी मारून तुमच्या कॉंटॅक्ट्स मधूनही निवडता येतील. संपादनाचे अधिकार द्यायचे असल्यास 'To edit' हा पर्याय निवडावा. ('To view' निवडल्यास इतरांना तुमची फाईल उघडता येईल, वाचता येईल पण त्यात बदल करता येणार नाहीत.
मजकुरातील एखादा शब्द निवडून रंगीत केल्यावर त्याच्या शेजारी दुरुस्त शब्द
लिहिणे शक्य आहे?
हो, तसे करायचे असल्यास करता येईल. फाईल संपादनाचे अधिकार असणाऱ्या कोणीही तीत कोणताही बदल करून जतन केला असता फाईलची बदलाआधीची व नंतरची अशी परिष्करणे गूगल डॉक्समध्ये सुरक्षित जतन केली जातात व उपलब्ध असतात. त्यामुळे काय काय बदल केले गेलेत, ते केव्हा केले गेलेत, इतकेच नाही तर ते बदल कोणी केले आहेत हेही लगेच कळू शकते. त्यामुळे अनाम (anonymous) अफरातफरीचा प्रशनच उद्भवत नाही. ध चा मा केलाच तर त्याखाली आनंदीबाईंची 'स्वाक्षरी' दिसते. 
आणि ह्या साऱ्या प्रक्रियेत विपत्र केवळ ज्याला अधिकार दिले गेलेत त्याला
तसे कळवण्यापुरतेच वापरले जाते. संपादन विपत्रात होता नसून जालावर गूगल
डॉक्समध्ये होते.