तुमच्याच एका लेखातील उत्तरात तुम्ही म्हणाला होतात की तुमच्याकडे बरेचसे कवितासंग्रह आहेत. या मालिकेतील काही कवींच्या रचना फार जुन्या आहेत. त्यांना कॉपीराईट ऍक्टनुसार (बहुदा) ६० वर्षांनंतर कोणीही प्रसिद्ध करू शकतो, म्हणजे त्यांवर कोणा एकाची मालकी राहत नाही. त्यानुसार, ह्या कविता जालावर उपलब्ध करून देता येईल का?

-नक्कीच देता येतील. मी ते काम हाती घेतलेही आहे. हळूहळू काही निवडक कविता टाईप करून ठेवण्याचे काम सुरू आहे.

कदाचित मदतीसाठी  काही मनोगतीही तयार होतील . परदेशी असणारे मनोगती यांसाठी मदत करू शकत असतील, तर मीही त्यांत एक असेल.  . जसे इंग्रजी वांङमय (चुकलं वाटते) जालावर उपलब्ध आहे, तसच मराठीही उपलब्ध असावं, असं मला वाटते. अर्थात हे वेळ घेणारे काम आहे. असो.

- वेळ घेणारे काम आहे खरे;  पण चिकाटीने आणि चिवटपणे केले तर ते शक्य व्हायला हरकत नाही. काही वर्षे लागतील... पण काम पूर्णत्वास जाईल हे नक्की.  माझ्याकडील अनेक पुस्तके विखुरलेली आहेत. त्या त्या भागाच्या वेळी मी ते ते पुस्तक शोधतो. :)  वेळोवेळी कापून ठेवलेल्या कात्रणांवरही मी अनेकदा अवलंबून असतो. अशा जिकिरीच्या कामी इतरांची मदत कितपत होऊ शकेल, याची शंका आहे.  तुम्ही मदतीचा हात पुढे केल्याबद्दल धन्यवाद. आवश्यकता भासल्यास मी तुमची मदत नक्कीच घेईन.

तुमची लेखमाला वाचत आहे. कवितेचा संदर्भ माहीती असला तर तीचं सौंदर्य अधिक वाढतं, हे या लेखातून (किमान मला) समजते.

- या वाक्याचा अर्थ मला लागला नाही. कृपया अधिक स्पष्टपणे सांगावे, ही विनंती.

पुढील लेखनास शुभेच्छा!

- पुन्हा एकदा मनापासून धन्यवाद.