सूचना क्रमांक १ चं उदाहरण.

आपल्या लिखाणातल्या पहिल्या परिच्छेदातली खालील दोन वाक्यं मूळ शब्दांऐवजी कंसातले शब्द वापरून बोलीभाषेत आणता येतील. 
१) लगबगीने (लगबगीनी) काम करणारे माझे हात घड्याळाच्या काट्यांकडे लक्ष जाताच आणखीनच वेगाने (वेगानी) काम आटोपत (आटपत) होते.  
२) मग कंपनीत पोहोचायचे (पोचायचं) म्हणजे वीस रुपये रिक्षाने (रिक्षानी) खर्च करा आणि (नि) वरतून (वरनं) उशीर होणार ते वेगळेच (वेगळंच). 
तुम्ही लिहिलेली वाक्यं एकदा जशीच्या तशी वाचा नि एकदा कंसातले शब्द वापरून वाचा. तुम्हाला ऐकण्यातला फरक जाणवेल. बोलीभाषेत लिहिल्यास लेखक आपल्याशी बोलतोय असं वाचकाला वाटतं. अर्थात आपणही आपल्या या लिखाणात काही ठिकाणी शब्दांची बोलीभाषेतली रुपं वापरल्येत.

स्फूर्तीतून निर्मिती होते हे मान्य. पण निर्मिति सादर करताना थोडीफार कारागिरी (craftsmanship) आवश्यक आहे असं मला वाटतं.