तुझे सुर आणि माझे गीत ।
दोन्ही मिळून पूर्ण होईल प्रीत ॥ धृ ॥

(हृदयस्पंदने व्यापुनी राहसी, आ आ आ आ
विचारांतही तूच तू राहसी) /- २
दुनियेच्या जत्रेत लाखो, परी आ आ आ आ
दुनियेच्या जत्रेत लाखो, परी ।
रुचसी मनाला, हृदी राहसी
मी रे प्रिया तव, तू माझा खचित ॥ १ ॥

(विसरून मला जर का जाशील तू, आ आ आ आ
मजपासूनी लांब जाशील जर तू) /- २
प्रेमात माझ्या आहे शक्ती अशी, आ आ आ आ
प्रेमात माझ्या आहे शक्ती अशी ।
की ओढीने धावशील मजप्रती
पाहा राजसा माझी, होईल जीत ॥ २ ॥