हल्ली एकूणच  सेल्फ हेल्प म्हणतात तशा प्रकारची चिकार इंग्रजी पुस्तके लोक वाचतात आणि त्यांना अचानक ज्ञानप्राप्ती झाल्यासारखी वाटायला लागते. आपापल्या वकुबाप्रमाणे त्याचा अर्थ लावून ते इतरांना शहाणे करायला धडपडतात. मजेत जगावं कसं, माणसे जोडावी कशी, जीवन आनंदी कसं करावं, इत्यादी.

त्यावरून एक गोष्ट आठवली. बहिणाबाई एकदा कीर्तनाला गेल्या. काही वेळ गेल्यानंतर त्या कीर्तनकाराला म्हणाल्या, 'नामा म्हने तुका म्हने ते सगळं ठीक आहे, पन  भल्या मान्सा, तू काय म्हने ते सांग की कवातरी!'