वाक्यरचना सुगम तर हवीच, पण त्याशिवाय लिखाणात एकसुरीपणा तर येत नाही ना इकडे&nbsp; ध्यान असले पाहिजे. <br />वर लिहिलेल्या लेखात पहिल्याच परिच्छेदात 'ह्या' चारदा आला आहे. दुसरा 'ह्या'तर पूर्णपणे गैरलागू आहे. चुकीच्या समजुतींची यादी अगोदर न देताच <strong>ह्या</strong> चुकीच्या समजुती म्हणणे अनाकलनीय आहे. तिसऱ्या आणि चौथ्या ह्यांबद्दल : 'ह्या' आणि 'विषयातले' हे दोन वेगळे शब्द आहेत, ते तसेच सुटे लिहायला हवेत.&nbsp; तोच प्रकार ह्या आणि निमित्ताने या दोन शब्दांबाबत!<br /><br />ह्याऐवजी साधारण तशाच अर्थाचे या, त्या, सदरहू, अशा, संबंधित, विविक्षित वगैरे शब्द त्यांच्या विशिष्ट अर्थच्छटा विचारात घेऊन वापरता येतात.&nbsp; लिखाण एकसुरी होऊ नये म्हणून अशा काही युक्ताप्रयुक्त्या करून पाहाव्यात.<br />कायद्याच्या भाषेत मात्र हव्या त्या अर्थाचा&nbsp;उचित शब्द एकमेव असू शकतो, तो तसाच उपयोगात आणला पाहिजे.