लफ्फू: लफ्फू पतंग खूप ढीली असते. त्याच्या कामटीची साइज आणि तावाचा आकार ह्याचा रेशो बिघडलेला असतो. त्यामुळे ही पतंग हवा तो ताण निर्माण करु शकत नाही. ज्या पोरांना पतंग कशी विकत घ्यायची हे कळत नाही ते, असली पतंग घेऊन येतात.

बिलींगः म्हणजे गोत खूप लांबवर नेऊन किंवा खूप उंचावर नेणे. हे तेव्हाच शक्य होते, जेव्हा दोन्ही काटकरी तगडे असतात. त्यांच्याकडे खूप मांजा असतो. त्यामुळे ही गोत लवकर निर्णायक होत नाही. मग जो शेवटी जिंकतो, तो म्हणतो, "अरे, लै बिलींगला नेऊन कापला त्याला".