कधी तरी एकलेपणाचे
भाग्य फळफळावे
मला साथ लाभावी
तिला साथ लाभावी ।

कधी तरी मनाचे
भाग्य फळफळावे
मला प्रेम लाभावे
तिला प्रेम लाभावे ।

कधी तरी उंबऱ्याचे
भाग्य फळफळावे
मला तिने वरावे
मी तिला वरावे ।

कधी तरी शांतीचे
भाग्य फळफळावे
तिला माझे पटावे
मला तिचे पटावे ।

कधी तरी घराचे
भाग्य फळफळावे
मी बाबा बनावे
तिने आई बनावे ।

कधी तरी संसाराने
गझल सुरेख व्हावे
तिला सुख लाभावे
आम्ही सुखी असावे ॥

कधी तरी गझलेचे
भाग्य फळफळावे
मी एक चरण व्हावे
दुसरे तूं शोभावे ॥