याला मी तरी फसवणूक म्हणणार नाही. कारण काही गोष्टी विशिष्ट रितीने करण्याने आपल्याला आनंद मिळतो. जसे देव तर सगळीकडे आहे पण आपण फक्त देवळात प्रवेश करताना पादत्राणे काढून ठेवतो. तसेच आपल्याला ज्यांचे महत्त्व वाटते त्यांना आवडेल असे वागण्याचा सर्वजण प्रयत्न करतात. आपल्या घरी आलेल्या एखाद्या आतिथी साठी आपण त्याला आवडणारे पदार्थ आवर्जून करतो . हे थोडेफार तसेच आहे असे वाटते. काही लोकं श्रावणच काय चातुर्मास सुद्धा पाळतात . कारण या दिवसात घरात किंवा आजुबाजूला अनेक धार्मिक सण , उत्सव  इ. असतात. म्हणजेच आपल्या धर्मिक समजुतींप्रमाणे देव अथवा देवतेचे वास्तव्य घरात अथवा परिसरात असते. त्यामुळे पुराणांमध्ये सांगितलेल्या आणि देवी-देवतांना आवडणाऱ्या गोष्टी आपण त्या काळात करतो, आणि न आवडणाऱ्या करायच्या टाळतो. यात मला वाटते कुणाचीच फसवणूक नसते. आणि साध्य हे की आपण ईश्वराला आवडेल असे काही करू शकलो हे समाधान .