मालिका चांगली रंगत आहे. ऊर्जेसंबंधी माहितीबद्दल धन्यवाद.<br />आता शब्दांच्या वापराविषयी काही प्रश्न -<br />१. देखभाल कशाप्रकारे केली जाते हे सांगणाऱ्या चौथ्या मुद्द्यातील 'अपशिष्ट' म्हणजे काय? तिथे अवशिष्ट असा शब्द अपेक्षित आहे का?<br />२. मूलक-कक्ष आणि प्रमाणशीर (आनुपाती) गणक ह्या दोन शब्दप्रयोगांसाठीचे मूळ इंग्रजी शब्द कोणते? कक्ष हा शब्द माझ्यामते विभाग ह्या अर्थी पण जागेसंदर्भात वापरतात. कक्ष हा शब्द खिशात मावणारा मूलक-कक्ष असे वाचताना विचित्र वाटला. मात्र मूळ इंग्रजी शब्द समजला तर पर्याय सुचवता येईल.<br />आयन हा धन वा ऋण प्रभाराचा असतो. आयन हा नेहमीच प्रभारित कण असतो. रॅडिकल अथवा मूलकामध्ये जोडी नसलेला इलेक्ट्रॉन असतो. मात्र रॅडिकल&nbsp;(मूलक) हा प्रभारित वा प्रभाररहित असू शकतो, आयनाप्रमाणे प्रभारितच असतो असे नाही. तेव्हा मूलक शब्द रॅडिकलसाठी राखून ठेवावा आणि आयनाला आयनच म्हणावे असे माझे मत आहे.<br />३. ल्युमिनिसंट साठी प्रतिदीप्ती असा शब्द का वापरला असावा? प्रदीप्त, दीप्तीशील योग्य वाटतो, पण प्रतिदीप्ती असा प्रती म्हणजे विरोधी अर्थ दर्शविणारा शब्द का वापरला आहे?<br />४. फीत म्हणजे पट्टी. फिल्म म्हणजे पापुद्रा. तो पट्टीच्या आकाराचा असल्यास फोटोग्रफिक फिल्म साठी प्रकाशचित्रीय फीत योग्य ठरेल. पण फिल्म ही पट्टीच्याच आकाराची असते असा नियम नाही.<br />५. बक्कल हा बकल ह्या इंग्रही शब्दाचा अपभ्रंश होऊन तयार झालेला शब्द आहे. पट्ट्याला बक्कल असते. दप्तराचे बंद लावण्यासाठी बक्कल असते. बॅज म्हणजे बिल्ला, बक्कल नव्हे.<br />६. उपस्कर हा शब्द हिंदीमध्ये वापरत असावेत, पण त्यापेक्षा इक्विपमेंटसाठी साधन, उपकरण ह्यापैकी सोपा शब्द वापरता आला असता.<br />७. ऍबसॉर्ब्ड डोस मध्ये संसर्गाचा संबंध कुठे आला? केवळ अवशोषित मात्र पुरेसे व्हावे.<br />८. न्युट्रॉन व प्रॉटॉन साठीचे अनुक्रमे विरक्तक, विरक्त करणारा कण आणि धनक, धन करणारा कण हे प्रतिशब्द योग्य कसे ह्याचे कृपया स्पष्टीकरण-विवेचन कराल का? मला हे अर्थ योग्य वाटत नाहीत आणि म्हणून पटत नाहीत.<br />&nbsp;<br />