आमच्या घरात मेणकापड मी आधीपासूनच बघत आलेय. (पावसाळ्यात घर गळायचे तेव्हा आई लोखंडी पलंगावर वरपासून खाली जमिनीपर्यंत लोळेल इतके मेणकापड घालून द्यायची आणि मग आम्ही पलंगाखाली जाऊन झोपायचो! ) त्यामुळे उन्हाळ्याच्या दिवसांत वाळवणं करायला तेच मेणकापड स्वच्छ धुवून वापरायची आम्हाला सवय आहे. अगदीच दुसऱ्या वाळवणात ते गुंतलेले असेल तर किराणा माल घेताना आलेल्या जाड प्लॅस्टीकच्या पिशव्या कापून, ते कागद आम्ही वापरतो.

अशा माझ्या अनुभवविश्वामुळे मी रोहिणीला दिलेल्या प्रतिसादात मेणकापड वापरणे सुचवले इतकेच. मेणकापड म्हणजे कोणते कापड यात तिला सहजी समजेल म्हणून हॉस्पिटलमधील त्याच्या वापराचा उल्लेख केला, जो मला शेजारच्या एका आजींना अशातच पॅरालिसिसचा ऍटॅक आल्याने त्यांना भेटायला गेलो तेव्हा माहिती झाला म्हणून! असो.