... 'बाबूजीं'च्या राष्ट्रभाषाप्रेमाचा खरोखरच गौरवास्पद म्हणण्यासारखा असा जो आविष्कार आहे, तो कोणाच्या^१ गावीही नाही, अन् कधीकाळी कोणीतरी इंग्रजीतून एक धनादेश तो काय लिहिला, तो बाबूजींनी फाडायला काय लावला, नि त्याऐवजी स्वतः हिंदीतून दुसरा धनादेश तो काय लिहून दिला, नि प्रतिपक्षाने तो स्वीकारला नाही, तर (वेळ काय, प्रसंग काय... ) हुज्जतच काय घालत बसले, त्याचे कोण कौतुक!

असो, चालायचेच! मोठ्यांच्या छोट्या गोष्टी, त्यांसी देती सर्व मान, आणखी काय?

तळटीपा:
^१ वस्तुतः, प्रस्तुत यादीपैकी कोणतेही गीत^२ मला व्यक्तिशः परिचयाचे नाही, ही बाब लक्षात घेता, यात मीही आलोच. पण अर्थात, मी काही खासा 'बाबूजी'प्रेमी या प्रकारात मोडत नाही, हाही भाग आहेच^३. असो.
^२ तेवढे एक 'ज्योतिकलश छलके' वगळून. अर्थात, त्यातही 'बाबूजीं'चे काही योगदान आहे, नव्हे महत्त्वाचे योगदान आहे, हे माझ्या गावी नव्हते म्हणा. पण तेही एक असो.
^३ अर्थात, हे कशाचेही समर्थन होऊ शकत नाही. पण वस्तुस्थिती आहे. इत्यलम्।