हे अठरा उच्चार नुसतेच तोंडाने करता येतात असे नाही, तर स्वतंत्रपणे लिहून दाखवता येतात. आपल्या संगणकावर संस्कृत फॉन्‍ट्स असतील ते कसे लिहायचे ते शिकून घेता येईल. या उच्चारांकरता आंतरराष्ट्रीय ध्वनिलिपीत सोय केलेली आहे.
हे अठरा उच्चार कसे होतात, ते थोडक्यात सांगता येईल.
'अ'चे ऱ्हस्व, दीर्घ, प्लुत असे तीन उच्चार. या प्रत्येक उच्चाराचे अननुनासिक आणि अनुनासिक असे दोन प्रकार. अशा प्रत्येक उच्चाराचे उदात्त, अनुदात्त आणि स्वरित असे तीन प्रकार. एकूण ३ गुणिले २ गुणिले ३ बरोबर १८ उच्चार. ए-ऐ-ओ-औ हे मुळातच दीर्घ असल्याने त्यांचे उच्चार २ गुणिले २ गुणिले ३ बरोबर १२.
अ=अ ऱ्हस्व अननुनासिक उदात्त, अ॑ =अ ऱ्हस्व अननुनासिक स्वरित, अ॒= अ ऱ्हस्व अननुनासिक अनुदात्त
अं=अ ऱ्हस्व अनुनासिक उदात्त, अं॑ =अ ऱ्हस्व अनुनासिक स्वरित, अं॒= अ ऱ्हस्व अनुनासिक अनुदात्त
आ=आ अननुनासिक उदात्त, आ॑ =आ अननुनासिक स्वरित, आ॒ =आ अननुनासिक अनुदात्त
आं=आ अनुनासिक उदात्त, आ॑ =आ अनुनासिक स्वरित, आ॒ =आ अनुनासिक अनुदात्त
आ३=आ प्लुत-अननुनासिक-उदात्त. आ॑३ =आ प्लुत-अननुनासिक--स्वरित, आ॒३ =आ प्लुत-अननुनासिक-अनुदात्त
आं३=आ प्लुत-अनुनासिक-उदात्त. आं॑३ =आ प्लुत-अनुनासिक-स्वरित, आं॒ ३ =आ प्लुत-अनुनासिक-अनुदात्त
एकूण अठरा. 'संस्कृत २००३' हे फॉन्‍ट्स असतील तर हे अठरा १८ उच्चार लिहून दाखविणे अगदी सोपे आहे. वेदाभ्यास करणाऱ्या बालकाच्या शेंडीला हिसके देऊन हे उच्चार शिकविले जातात. कोणत्याही वेदपाठशाळेत जाऊन आपल्यालाही शिकता येतील. (शेंडी मात्र हवी! )